Biyaha Gabiley oo Gabaabsi Ah iyo Ku wareejinta Wasaradda Biyaha ito Macdanta(FALLO)

(GABILEY)BIYO LAANTA KA TAGAN IYO KU WAREEJINTA WASAARADA HORUMARINTA MACDANTA IYO BIYAHA MAXAY TARASAA. 

Biyaha Magaalada Gabiley oo intooda ugu badani ka yimaadaan ceelasha Biyaha Botor islamarkaana,hore ay u badhi kaabi jreen  Golaha Deegaanka Degmada Gabiley,oo maalintii Arbacada ee Shaley si rasmi ah loogu wareejiyey Wasaaradda Biyaha ayaa dadweynaha Reer Gabiley,su,aalo badan iska weydiiyeen in isbadelkan ku yimid Geedi socodka biyuhu wax ka badeli doonaan iyo in kale.

Inkastoo,ay jiraan dareeno badan oo Bulshadu ku waajahdey,in isbadelkan ku yimid nidaamkii Maamul ee Biyaha Gabiley aanu marnaba saameyn la,aan doonin islamarkaana, gees kasta oo laga joogsado ay iman doonaan xiliga adage e lagu jiro duruufo wax ka badeli doona cabitaankii Magaaladu,waxa ay dad badani aaminsan yihiin in Wareejintoodu tahey mid degdeg ah oo aaney jirin qorshe Wasaaraddu kaga dabaalan karto,wakhtigan guud ahaanba mushkiladaha jira

Dareenkan Walaaca ah,ee Shacbiga Reer Gabiley ku beegeen Wareejinta Biyaha ee Dhinaca Wasaaradda ayaa ka dhashey xaalada ay bilawga ku yihiin guud ahaanba Wasaaraddaha dalku oo duruufo dhinaca dhaqaalaha iyo Miisaanayadahooda ku wajahan,maadaama aaney wali kasoo kabanin marxaladii kala guurka,iyo casaanka ku taagan ee Wasiirka Biyuhu ka dhawaajiyey,in lasii caseeyay kuwii Mashaariicda biyo balaadhinta sida Mashruuca Biyo baladhinta Caasimada ee Xumba-Weyne oo ku qiimeysnaa in ka badan labaatan milyan oo dollar oo hore u qabyoobey iyo kii ka dambeeyay ee Dawllada Imaaraadku bixisey,taas oo ay la wadaagto dhinaca Tog-Wajaale oo wali Biyuhu ka maqan yihiin mashruucii labada Milyan ee Dollar ahaa oo isaguna Wali Qabyo culus oo aan dhameys tirneyn kujira iyo qaar badan oo kale.

Sikasta oo ay tahey ma yara Walaaca laga qabo biyo la,aan soo food saarta Magaalada Gabiley,oo ay ku nool yihiin wakhtigan dad aad u tira badan inkastoo,ay ka cabaan biyaha ka yimaada Ceelasha Botoreed ugu yaraan afartan kun oo qoys oo nagi ku ah Gudaha Magaalada Gabiley halka Qoysas kale oo badani ka cabaan Biyaha ay Booyaduhu kasoo dhaamiyaan Ceelasha Beeraha biyaha lagu Waraabiyo,isbadelkooda waxeynu eegi doonaa Toddobaadyada soo Socda.